ये कोनो आम चिनहा(संगठन) नो हरे ये कोइला ल हीरा बनाथे अऊ दबे आवाज ला दहाडे़ बर सिखाथे। महाज 8 साल म येकर चाहने वाला के संख्या लाख म पहुँच गे हे। ये मा अतका ताकत हे कि बड़े बड़े राजनीति दल मन येला दबाय के बरसक परयास करथे येकर सेनानी मन ल जेल पहुँचाय के काम करथे मगर ये मन ला पता नई होही मनखे ल जेल म धांध सकत हस फेर ओकर विचार ला कभू नई धाँध सकस। ये संगठन लोगन ल बोले के ताकत देथे लड़े के ताकत देथे मगर मोला एक बात के बहुत दुःख लगथे कुछ अइसे अइसे भी आदमी देखे ल मिलथे कि जब ये संगठन ओला कोईला ले हीरा बनाथे तहां वो हीरा ये कारिगर के ही बुराई करे बर धर लेथे। लोगन मन पूछथे मोला कि तोला का मिलथे येकर संग जुड़े हस त कुछु पईसा कउड़ी मिलथे का कि काहीं पद म हस। त मैं शान के साथ बोलथव ना मैं पद म हव अउ ना ही मोला पईसा मिलय बस मिलथे त मोर स्वाभिमान, मोर हक अधिकार, मोर कला संस्कृति के रक्षा, हमर मजदूर भाई मनके हक बर लड़ाई, हमर पुरखा मन के सम्मान देना अउ छत्तीसगढ़ महतारी के अस्मिता के रक्षा करे बर हिम्मत मिलथे। सबो भाई ले निवेदन हे कि कहूं आप पद पईसा बर जुड़त होहू त सादर इही मेर ल बिदा अउ कहूं अपन स्वाभिमान बर जुड़त होहु त जोहार

By Team manoj Aug 25, 2023